MOLAO WA KGODIŠO YA PHIHLELELO YA TSHEDIMOŠO, 2000
LEKGOTLA LA DIFILIMI LE DINGWALWA
MANUALE GO YA KA KAROLO YA 14 YA MOLAO WA KGODIŠO YA PHIHLELELO YA TSHEDIMOŠO, (PAIA), 2000 KA GA PHIHLELELO YA TSHEDIMOŠO YEO E NAGO LE LEKGOTLA LA DIFILIMI LE DINGWALWA
MATSENO
Molao wa Kgodišo ya Phihlelelo ya Tshedimošo, wa Nomoro ya 2 wa 2000 (PAIA), ke tšibogelo ya karolo ya 32 ya Molaotheo, wo o kgonegišago gore motho o fe goba o fe o na le tokelo ya phihlelelo go :
Tshedimošo e fe goba e fe yeo e swerwego ke Mmušo; le
Tshedimošo e fe goba e fe yeo e swerwego ke motho o fe goba o fe yeo e nyakegago go šireletša ditokelo di fe goba di fe.
Maikemišetšo a Molao wa Kgodišo ya Phihlelelo ya Tshedimošo (PAIA), bjalomka ge a hlalošwa ka go matseno, ke a maphakga a mabedi:
go bjala setšo sa tšhomo ya pepeneneng ka go ditho tša setšhaba le tša poraebete ka go kgontšha tokelo ya phihlelelo ya tshedimošo, le go godiša setšhaba seo ka go sona batho ba tla bago le phihlelelo ya tshedimošo yeo e tla hlokagalago go šireletša ditokelo tŠa bona ka botlalo.
Manuale o bea magoro a tshedimošo yeo e swerwego ke Lekgotla la Difilimi leDingwalwa, dintlha tša kgokagano le foromo yeo ka yona go kgopelwago phihlelelo ya direkoto tšeo di swerwego ke Lekgotla. Ditšhupatsela tša go šomiša Molao wa Kgodišo ya Phihlelelo ya Tshedimošo (PAIA), ditefelo le tshedimošo ye nngwe di ka hwetšwa go Khomišene ya Ditokelo tša Batho ya Afrika Borwa mo atereseng yeo e filwego ka go temana ya 3 ya Manuale.
e akaretša motho wa molao ga e re fela ditokelo tša "molaotheo"
DITENG
Mešomo le sebopego sa Lekgotla la Difilimi le Dingwalwa
Dintlha tša dikgokagano
Tšhupatsela ya go šomiša Molao
Phihlelelo ya direkoto tšeo di swerwego ke Lekgotla
Magoro a direkoto tšeo di lego gona ka kgopelo
Mokgwatshepetšo wa kgopelo
Mabaka a kganetšo
Ditirelo tšeo di lego gona tša setšhaba
Botšeakarolo bja setšhaba
Tokišo ya go se obamele Molao
Tshedimošo ye nngwe
Go ba gona ga Manuale
Foromo ya kgopelo ya phihlelelo ya direkoto tša Lekgotla
KGODIŠO YA PHIHLELELO YA TSHEDIMOŠO, 2000
LEKGOTLA LA DIFILIMI LE DINGWALWA
Mešomo le sebopego sa Lekgotla la Difilimi le Dingwalwa Karolo ya 141a
Mešomo
Lekgotla la Difilimi le Dingwalwa ("Lekgotla") le hlamilwe go ya ka karolo ya 3 (a) ya Molao wa Difilimi le Dingwalwa, 1996, bjalo ka ge o fetotšwe, ("Molao"), go dira mešomo yeo e nyakegago go fihlelela maikemišetšo a Molao, wo o beilwego ka mokgwa wo ka go karolo ya 2 :
...go laola ka molao tlhamo, tšweletšo, go swara le go abela dingwalwa tše dingwe le difilimi tše dingwe ka go tsenya ka magoro, go bewa ga mapheko a mengwaga ya bogolo le go fa bareki keletšo, šedi ye kgolo e le ya tšhireletšo ya bana kgahlanong le tlhokofatšo ka thobalano goba go nyefolo ka dingwalwa, filimi le inthanete, le…go dira gore go šomišwa gampe ka dingwalwa tša mapono, filimi goba inthanete go otlwe."
Kudukudu Lekgotla:
le šetša mme la tsenya magoro a difilimi ka moka, dipapadi tša khomphyutha le dingwalwa tšeo di tlišwago go lona go ya ka Molao;
le hlokomela "intaseteri" go netefatša kobamelo ya diphetho, kudu ka ga diphetho tšeo di lebišitšwego go šireletša bana go ditlabelo tšeo di nago le tshenyo e bile di hlola tšhitelo go bona le go bewa molaleng go mediro ya batho ba bagolo;
hlokomela kgwebo ya mafelo a batho ba bagolo go netefatša kobamelo le dinyakwa tša karolo ya 24 ya Molao;
le fana ka thušo yeo e nyakegago ya makalatiro a tiragatšo ya molao ka go dinyakišišo le kotlo ya batlolamolao wa mapono a bana; le go sedimoša setšhaba ka ga maikemišetšo le mohola wa diphetho tša magoro le keletšo ya bareki.
Sebopego
Lekgotla le bopša ke Mohlankedi Mogolo Phethiši le Bahlankedi Bagolwane Phethiši ba babedi, bao ba dirago Komiti Phethiši le sehlopha sa Bahlahlobi Bagolo le Bahlahlobi bao ba kgethilwego ka tsela ya kgetho ya setšhaba. ke Mohlankedi Mogolo Phethiši ke Modulasetulo wa Lekgotla le Komiti Phethiši. Materiale wo o išwago go Lekgotla o a senkwa mme wa tsenywa ka magorong ke dikomiti tša magoro, tšeo di bopšwago ke mohlahlobi mogolo le bonnyane bahlahlobi ba babedi, bao ba kgethilwego go tšwa go sehlopha sa bahlahlobi bagolo le bahlahlobi. Bašomi ba taolo le bahlokomedi ba lebakanyana ba tlaleletša bašomi ba Lekgotla.
Dintlha tša kgokagano karolo ya 141b
Mohlankedi wa Tshedimošo Mohlankedi Mogolo Phethiši
Kapa
Kapa
Mogala 465 6518
Fekese 465 6511
Tšhupatsela ya go šomiša Molao karolo ya 141c
Tšhupatsela yeo e bolelwago ka go karolo ya 10 ya Molao wa Kgodišo ya Phihlelelo ya Tshedimošo e hwetšwa go Khomišene ya Ditokelo tša Batho ya Afrika Borwa e ka ba ka wepesaete go www.fpb.gov.za goba go tšwa go Mohlankedi wa Tshedimošo go:
Gauteng
Mogala 484 8300
Fekese 484 1360
Phihlelelo ya direkoto tšeo di swerwego ke Lekgotla karolo ya 141d
Lekgotla le hlokomela direkoto tša difilimi ka moka, dipapadi tša khomphyutha le dingwalwa tšeo di tlišwago go tsenywa ka magorong a tšona, ga mmogo le dipotšišo tšeo di arabjago go ya ka karolo ya 24 ya Molao.
Dihlogo le magoro adirekoto tšeo di swerwego
Magoro
Tšeo di tlogelwago
Ngwadišo
Dingongorego
Metsotso
Bokgobapuku
Maphodisa
Dipego
Dipego tša dikomiti tša magoro le Lekgotla la Tshenkoleswa ka go difilimi, dipapadi tša khomphyutha le dingwalwa tšeo di tsentšwego ka magoro
Palo ya difilimi le dipapadi tša khomphyutha tšeo di tlogelwago go tsenywa ka magoro ka maikemišetšo a itšeng goba ka tlase ga mabaka ao a ikgethago
Palo ya baabi le/goba babapatši ba difilimi tšeo di ngwadišitšwego le Lekgotla
Mangwalo a dingongorego go tšwa go setšhaba
Metsotso ya dikopano tša Lekgotla, Komiti Phethiši le Komiti ya Otiti
Kgetho ya dibidio, diDVD le dipapadi tša khomphyutha tšeo di beilwego ka magoro tša mafelo a batho ka moka le batho ba bagolo
Ditifikeiti tšeo di ntšhitšwego go ya ka karolo ya 27 lw 28 ya Molao mabapi le dinyakišišo le kotlo ya pontšho ya mapono a bana
Dipego tša ngwaga ka ngwaga le ditatamente tša ditšhelete go tloga ka la 1998 – 1999. Pego ka ga Khonferense ya Bosetšhaba ka ga Thibelo ya Pontšho ya Mapono a bana.
Pego ya Sehlopha sa Mošomo ya Thibelo ya Pontšho ya Mapono a bana
Pego ya Sehlopha sa Mošomo ka ga Taolo ya Dingwalwa
Dipampiri tša dinyakišišo ka ga ditlamorago tša tša ditaba (media) mo go bana
Kgopelo ya phihlelelo
Kgopelo ya phihlelo ya rekoto ya Lekgotla e ka dirwa ka go tlatša foromo ya A, Kgokeletšo ya B, Molawana wa 6, yeo e lego mafelelong a manuale wo.
Magoro a dipego tšeo di hwetšwago ntle le kgopelo karolo ya 141e
Pego ya Ngwaga ka Ngwaga 2001-02
Molao le Melawana
Ditšhupatsela tša Magoro
Dipego tša Lekgotla la Tshenkoleswa ya Difilimi le Dingwalwa
Ditaba tšeo di ntšhwago ke Lekgotla
Mekgwatshepetšo le diforomo tša go iša metheriale gore o tsenywe ka magoro le/goba go tlogelwa, ngwadišo le go tsenya dingongorego
Datapeisi ya diphetho tša go tsenywa ka magoro le ya babapatši bao ba ngwadišitšwego le/goba baabi e sa lokišwa mme e tla hwetšwa ka go wepesaete ka pele fela ge tlhamo ya tshedimošo yeo e feditšwe.
Mekgwatshepetšo ya kgopelo
Mokgopedi o swanetše go latela mekgwatshepetšo yeo e beilwego ka go Molao wa Kgodišo ya Phihlelelo ya Tshedimošo, melawana e fe goba e fe yeo e dirilwego go ya ka Molao woo le ka go Karolo ya 14 ya Manuale wo o tšweleditšwego ke Khomišene ya Ditokelo tša Batho ya Afrka Borwa, ga mmogo le magora ao a beilwego ke Lekgotla ntle le ge a sa sepele le Molao, Melawana le Manuale ka moka tšeo di hlalošwago ka go karolo ye.
Mabaka a kganetšo
Godimo ga mabaka a kganetšo ao a beilwego ka go Molao wa Kgodišo ya Phihlelelo ya Tshedimošo, ga go materiale goba dikgatišo tšeo di fiwago, goba tša fihlelelwa, materiale wo o nago le mapono a bana ntle le ge mokgopedi e le leloko la lekalatiro la tiragatšo ya molao mme go hlokagala gore go hwetšwe rekoto goba phihlelelo yeo mabakeng a dinyakišišo le/goba kotlo.
Ditirelo tšeo di fiwago setšhaba karolo ya 141f
Letlakala la ditirelo
Tlhahlobo le tsenyo ka go magoro a difilimi, dipapadi tša khomphyutha le dingwalwa
Dinyakišišo mabapi le maitshwaro a kgwebo ya mafelo a batho ba bagolo le mafelo a kakaretšo a dibidio le diDVD
Keletšo go makgotla a go fana ka dilaesense mabapi le mapheko a maleba a go fana ka dilaesense tša dikgwebo tša mafelo a batho ba bagolo
Keletšo mabapi le tšhireletšego ya bana go Inthanete
Masolo a tshedimošo ya setšhaba mererong yeo e lego mabapi le maikemišetšo a Molao le ka tšhireletšego ya bana go Inthanete, le
Go bea leihlo kobamelo ya Molao.
Phihlelelo ya ditirelo
Phihlelelo ya ditirelo di fe goba di fe tšeo di lego gona ka go Lekgotla e ka hwetšwa ka go dira kgopelo ka go ngwalela go Mohlankedi wa Tshedimošo (Lebelela temana ya 2 ka godimo ya dintlha tša kgokagano).
Botšeakarolo bja setšhaba ka go tlhamo ya molaotshepetšo go tiragatšo ya matla karolo ya 141g
Mošomo wo mogolo wa Lekgotla ke go dira magoro a difilimi, dipapadi tša khomphyutha le dingwalwa go šireletša bana go phihlelelo ya materiale wo o šitelago wa kotsi le go fana ka tshedimošo ya bareki go kgontšha setšhaba go maikgethelo a bona a go bogela le go bala go tee le bana bao ba lego ka tlase ga tlhokomelo ya bona. Molao o kgonegiša botšeakarolo bja setšhaba go kgetha bahlahlobi karolo ya 63, le go tlhama ditšhupatsela tšeo di šomišwago go dira magoro karolo ya 313. Memo ya setšhaba go tšea karolo ka go mekgwatshepetšo ye mebedi ye e dirwa ka baditaba media.
Godimo ga fao, setšhaba se ka tšea karolo ka go tlhamo ya ditšhupatsela tša magoro ka go romela ditšhišinyo le/goba go tsenya dingongorego goba diphošollo tša diphetho tša lona go Mohlankedi Mogolo Phethiši. (Lebelela dintlha tša kgokagano ka godimo go temana ya 2).
Lekgotla le tla, ka go amogela kgopelo yeo e ngwetšwego, beakanya go ba gona ga maloko a mangwe a setšhaba mo tshepetšong ya go dira magoro go lebelela le go fa tshwaetšo ka ga tshepetšo.
Ditokišo tšeo di lego gona karolo ya 141h
Lekgotla, bjalo ka setho batho sa bosetšhaba seo se tšeago diphetho tša mohuta wa taolo, le obamela Molao wa Kgodišo ya Toka ya Taolo loe ditokišo tša mediro ya tlogelo le tiragatšo tšeo di kgonegišwago ka go Molao woo. Godimo ga seo, Molao wa go kgontšha Lekgotla o kgonegiša tshekoleswa go Lekgotla la Tshenkoleswa ya Difilimi le Dingwalwa le Kgorokgolo ya Tsheko. [Dikarolo tša 19 le 20 tša Molao].
Tshedimošo ye nngwe karolo ya 141i
Ga bjale ga go na tshedimošo ye nngwe yeo e dirilwego yeo e swanetšego go tsenywa ka go manuale wo.
Bokgobapuku bja Palamente, Kapa
Bokgobapuku bja Afrika Borwa, Kapa, le
KGOKELETŠO YA B
FOROMO YA A
KGOPELO YA PHIHLELELO YA REKOTO YA SETHO SA SETŠHABA
Karolo ya 18 ya Molao wa Kgodišo ya Phihlelelo ya Tshedimošo, 2000
Molao wa Nomoro ya 2 wa 2000
Molawana wa 6
GO DIRIŠWA KE KGORO
Nomoro ya tšhupo
... (maemo a mmušo, leina le sefane sa mohlankedi wa tshedimošo/ mothuša mohlankedi wa tshedimošo) ka la ... (letšatši) mo ... (lefelo).
Tefelo ya kgopelo (ge e le gona): R………………………
Peeletšo (ge e le gona): R………………………
Tefelo ya phihlelelo R……………………….
... TSHAENO YA Mohlankedi Wa Tshedimošo/ Mothuša Mohlankedi Wa Tshedimošo
Dintlha tša setho sa setšhaba
Mohlankedi wa Tshedimošo/ Mothuša Mohlankedi wa Tshedimošo
B. Dintlha tša motho yo a kgopelago phihlelelo ya rekoto a Dintlha tša motho yo a kgopelago phihlelelo ya rekoto di swanetše go fiwa ka mo tlase.
b Aterese le/goba nomoro ya fekese ya ka mono Repapoliki yeo tshedimošo e swanetšego go romelwa ka go yona, e swanetše go fiwa c Bohlatse bja maemo ao ka wona kgopelo e dirwago, ge e le gore go a nyakega, bo swanetše go fiwa.
Leina ka botlao le sefane:
Nomoro ya boitsebišo:
Aterese ya poso:
Nomoro ya fekese:
Nomoro ya mogala: ... aterese ya E-meili:
Maemo ao ka wona kgopelo e dirwago, ge e dirwa legating la motho yo mongwe:
C. Dintlha tša motho yo a direlwago kgopelo legating
Karolo ye e swanetše go tlatšwa FELA ge kgopelo e dirwa legating la motho yo mongwe.
Leina ka botlao le sefane:
Nomoro ya boitsebišo:
D. Dintlha tša rekoto a Efa dintlha ka botlalo tša rekoto yeo go kgopelwago phihlelelo ya yona, go akaretšwa le nomoro ya tšhupo ge e le gore o a e tseba, gore rekoto e kgone go nyakwa.
b Ge e le gore sekgoba seo se filwego ga se lekane tšwela pele ka go letlakala le lengwe mme o le kgokeletše mo foromong ye. Mokgopedi o swanetše go saena matlakala a koketšo ka moka.
Tlhalošo ya rekoto goba karolo yeo e lego mabapi le rekoto:
Nomoro ya tšhupo ge e le gona:
Dintlha tše dingwe tša rekoto:
E. Ditefelo a Kgopelo ya phihlelelo ya rekoto, ntle le rekoto yeo e nago le tshedimošo ka ga gago ka bowena, e tla lokišwa ge fela tšhelete ya kgopelo e lefilwe.
b O tla tsebišwa ka ga tšhelete yeo e nyakegago bjalo ka tšhelete ya kgopelo.
c Tšhelete yeo e lefelwago phihlelelo e ya ka mokgwa wo phihlelelo e nyakegago ka wona le nako yeo e amogelegago ya go nyaka goba go lokiša rekoto.
d Ge o swanetše go se lefišwe tšhelete e fe goba e fe, e fa mabaka hle.
Lebaka la go fiwa tumelelo ya go se lefišwe:
E. Mokgwa wa go fihlelela rekoto
Ge o paledišwa ke bogole go bala, go lebelela goba go theeletša rekoto ka mokgwa wa phihlelelo yeo e fiwago ka go 1 go ya go 4 ka tlase, hlaloša bogole bja gago mme o bolele mokgwa wo ka wona rekoto e nyakegago.
Bogole: Mokgwa wo ka wona rekoto e nyakegago:
Swaya lepokisana la maleba ka X.
DINOUTU:
a Thušo ya kgopelo ya gago ya phihlelelo ka mokgwa wo o kgopelwago e tla fiwa go ya ka mokgwa wo ka wona rekoto e lego ka gona.
b Phihlelelo ka mokgwa wo o kgopetšwego e ka nna ya ganetšwa ka mabaka ao a itšeng. Ge go le bjalo o tla tsebišwa ge e le gore phihlelelo e tla fiwa ka mokgwa wo mongwe.
c Tšhelete yeo e lefelwago phihlelelo ya rekoto, ge go nyakega, e tla laolwa ke mokgwa wo ka wona phihlelelo e kgopelwago ka wona.
Ge rekoto e le ka mokgwa wa mongwalo wa seatla goba wa go tlanywa:
Kgatišo ya rekoto tlhahlobo ya rekoto
Ge rekoto e na le diswantšho tša go bonwa -
Lebelela diswantšho kopolla diswantšho ngwalolla diswantšho
Ge diswantšho di na le mantšu ao a gatišitšwego goba tshedimošo yeo e ka tšweletšwago leswa ka mantšu:
Theeletša mantšu ngwalollo ya mantšu khasete ya go theeletšwa (tokomane ya mongwalo wa seatla goba go tlanywa)
Ge rekoto e le ka gare ga khomphyutha goba ka mokgwa wa eleketoroniki goba motšhene wa go bala:
Kgatišo ya rekoto Kgatišo ya tshedimošo kgatišo yeo e balegago yeo e tlantšwego yeo e tlantšwego go tšwa ka go khomphyutha go rekoto (setifi goba tisiki)
Ge o kgopetše kgatišo goba ngwalollo ya rekoto (kagodimo), naa o nyaka gore kgatišo goba ngwalollo di romelwe go wena ka poso? EE AOWA
O tla lefa tšhelete ya poso.
Lemoga gore ge rekoto e se gona ka polelo yeo o e kgathago, phihlelelo e tla fiwa ka polelo yeo rekoto e lego ka yona
O kgetha go hwetša rekoto ka polelo e fe?
G. Tsebišo ya sephetho mabapi le kgopelo ya phihlelelo
O tla tsebišwa ka go ngwala ge e le gore kgopelo ya gago e dumeletšwe/ e gannwe. Ge o nyaka go tsebišwa ka mokgwa wo mongwe, hlaloša mokgwa mme o fane ka dintlha tšeo di lego maleba le seo go kgontšha tshepetšo ya kgopelo ya gago.
Naa o kgetha go tsebišwa bjang ka ga sephetho mabapi le kgopelo ya gago ya phihlelelo ya rekoto?
E saenilwe ... letšatši la ... la kgwedi ya ... 20
TSHAENO YA MOKGOPEDI/MOTHO YO KGOPELO E DIRWAGO LEGATONG LA GAGWE
